Station 2.1:
ZOB

De Bullenwisch
Mitten int Dörp – twischen Lindenstraat un Amt – leeg een Wisch, de weer Geld wert! Doar wuß goodes Gras un denn leeg se so parat, de leeten sik de Slachter-Mackers ni nehmen. Hein har een goodes Oog vör Tiere, besonners vör Bullen, versteiht sik, de watt op de Rippen harn. He kneep er mal op den Steert un denn so wuß he, geben sie een goodes Beafstück? Vör de Bullen brukten se de Wisch, doar kregen se ehr Gnadenbrot. Jeden Morgen gung Hein röwer, bekeek sine Bullen un nick tofreden. Wenn dat Beafstück knapper wör, muß doar een an glöwen. De Weg in de bewußte Kaamer weer man lütt: eben öwer de Straat un denn weern se op ehrn letzten Weg all op’n Hoff un in den Kaamer, se verlörn keen Pund darbi. Good affhungen schnee Schorsch bestes Beafstück darvun, Schief an Schief, een wi de annere! Mit een Schislawäng smeet he se op de Waag. Dat weer Qualitätsware, saftig un möar un överall bekannt! -
Un nu kieck di hüt uns Bullenwisch mal an! So een staatschen Platz heppt wi lang ni hatt inne Borg! In de een Eck een Platz för unse lütten Butjers. In de Mitte en Platz för unse Benziinschluckers, doar könnt se Damp afloten. An de anner Siet een smucken Platz mit een grooten Bahnhoff, kannst ale paar Stunnen na alle Richtungen förn, darto een Wartesaal 1. Klasse, allens „behütet“ vun de hoge Polizei. Ja, ja, Borg war jümmers attraktiver. – Ik hew mit hüt de Bullenwisch noch mal ankeeken. Nix, ower ok nix erinner hier an de Natur, weer allens beleckt vun de Kultur. Ja segg ik to minen Fründ in de Lindenstraat: Din Huus is nu 1000 Mark mehr wert. De Platz „Burgensia“ hett dat mokt.
Watt ni allens ut een Bullenwisch warn kann!!

Diesen Beitrag schrieb H. Rühmann 1974 für die Burger Zeitung/Dithmarscher Kurier, nachdem auf dem früher als Weideland(Bullenwiese) genutzten Areal hinter dem Amtshaus der ZOB, ein großer Parkplatz und daran angrenzend der Kindergarten gebaut wurde.

Blick über den Altbau des Amtsgebäudes (noch ohne Anbau) auf "de Bullenwisch".

Gefördert durch